Обука за наставници кои работат со деца со пречки во развојот
Од денеска до петок во Скопје се одржува обука за наставници и стручни лица кои работат со деца со пречки во развојот. Обуката ја организира Турската владина Агенција за соработка и координација (ТИКА) во соработка со здружението „Бела месечина“ од Турција кое делува во областа на дефектологијата.
За време на петдневната обука, експерти од Турција ќе се обидат да им ги пренесат своите искуства на колегите од Македонија, по што е планирано претставници од Македонија да ја посетат Турција.
Целта е да се допринесе во подобрување на квалитетот на образованието на овие деца, а идејата, како што беше посочено на денешниот почеток на обуката, потекнува од декември минатата година кога претставници на здружението „Бела месечина“ ја посетиле Македонија.
Од ТИКА најавија дека се планира и посета на државните институции кои работат со деца со пречки во развојот, со цел да се помогне во подобрување на условите за работа во овие установи.
Директорката на посебното основно училиште „Златан Сремац“, Ана Шикалска на официјалниот почеток на обуката истакна дека Македонија има доста направено на ова поле посочувајќи ги притоа задоволителниот број на установи, значителниот број стручни лица кои работат со деца со пречки во развојот, формирањето на голем број невладини организации, како и преземањето на сериозни чекори за инклузија на овие деца во редовниот образовен систем.
Ново на Сител
-
Очевидци: Израелските трупи навлегле подлабоко во Рафа
-
Париз очекува да заработи над 11 милијарди евра од ОИ
-
Истражување: Половина од раселените Украинци изразиле подготвеност да се вратат во земјата
-
ЈОРСМ: Извршен увид и обезбедени траги за вештачење од местото на убиството во Стајковци
-
НАТО функционер за АНА-МПА: Северна Македонија под уставното име влезе во Алијансата
-
17-годишно момче исчезна од установа за згрижување деца во Карпош
-
OpenAI ja претстави најновата верзија на својот чатбот – ChatGPT-4o
-
Две лица се здобиле со тешки телесни повреди при извршување работни задачи