Облачно, студено со врнежи од снег
За денес синоптичарите најавија снежни врнежи насекаде, но не со ист интензитет. Најмногу снег се очекува да наврне на планините долж јужната граница, и тоа на потегот од Баба, па се до Кожуф, со тоа што Кожув може да очекува и до 40 сантиметри вкупна нова снежна покривка, која нема да биде рамномерна заради пропратниот северен ветер, кој ќе услови формирање на снежни навети.
Од пониските места, најмногу врнежи, но без особено изразен интензитет, очекуваме во Пелагонија и тиквешкиот крај. Таму можеме да очекуваме мало дополнување на снежната покривка. Слаби врнежи се очекуваат и во планинскиот регион долж источната граница.
Наутро ќе биде студено, со температура помеѓу -6°С и -3°С на пониските места, и околу -8°С на повисоките места.
Дневниот максимум на температурата ќе достигне вредност околу -1°С во поголем дел од котлините, а на повисоките места во западниот крај околу -5°С.
Во Скопје се најавува претежно облачно време со повремени, слаби врнежи од снег. Мала е шансата во пониските делови од Скопје да се формира снежна покривка, но затоа на врвот на Водно и повисоките делови на Скопска Црна Гора можеме да очекуваме околу 10 сантиметри снег.
Температура ќе има минимална вредност околу -2°С, а максимална вредност околу 1°С.
Ново на Сител
-
Производителите на пченица бараат повисоки откупни цени – откупувачите не даваат
-
Тема на денот со Горан Благоев, верски аналитичар и историчар од Софија
-
Коце Трајановски нов директор на Државни патишта, СДСМ критикува
-
Чибишев и поднел пријава на Бесија Иљази зошто незаконски им исплатила 650.000 денари на договорците
-
Судскиот совет има напредок, но и уште многу работа - Реакции на меѓународната заедница
-
Радев: Мицкоски нема познавање од меѓународно и уставно право
-
Приватните превозници нема да возат, бараат исплата на долг од над 2 милиони евра
-
Ни волшебно стапче нема да помогне за учениците во седмо одделение да имаат нови учебници