Облачно со повремени врнежи од дожд

Времето денеска ќе биде претежно облачно со повремени врнежи од дожд со слаб, а наместа со умерен интензитет. По одделни котлини ќе има појава на магла. Ќе дува слаб до умерен ветер од јужен, а попладне долж Повардарието од северен правец.

Минималните температури ќе бидат во интервал од 4 до 9, а максималните ќе достигнат од 9 до 15 степени.

Во Скопје ќе преовладува облачно време со слаба магла и со повремен слаб дожд. Попладне ќе дува слаб до умерен ветер од северен правец. Минималните температури ќе се спуштат до 5, а максималните ќе достигнат до 10 степени.

Од УХМР информираат дека до петок ќе преовладува променливо облачно време, по одделни котлини со појава на магла. Значителна промена на времето ќе има во сабота кога ќе има пообилни врнежи од дожд, а попладне ќе преминуваат во врнежи од снег и во некои од пониските места. Ќе дува засилен северен ветер и температурите позначително ќе опаднат.