Објавена е последната снимка на морнарите од потонатата индонезиска подморница
Индонезиската армија објави видео на кое се гледа како дел од 53-те членови на екипажот на потонатата подморница пеат песна.
Снимката е направена неколку седмици пред да потоне подморницата заедно со 53-те морнари. На снимката се гледа како морнарите ја пеат песната “Sampai Jumpa”, индонезиски хит, што во превод значи „Збогум“.
Индонезиските власти денеска потврдија дека подморницата, која потона минатата среда во близина на Бали, е пронајдена на морското дно поделена на најмалку три делови, а сите морнари, за жал го загубиле животот.
Според експертите, за подигнувањето на подморницата на површината од длабоката вода ќе биде потребна специјална опрема за спасување. Портпаролот на индонезиската морнарица Јулиус Виџојоно изјави дека за операцијата за извлекување се уште се разговара со експерти и меѓународни тела.
Претседателот на Индонезија, Јоко Видодо изрази соучество до семејствата и вети дека државата ќе го финансира образованието на настраданите морнари.
Ново на Сител
-
Скопјанец ограбил казино и ја нападнал вработената
-
Возач на четирицикл од Куманово тешко повреден во Кавадаречко
-
Две лица на кошаркарски натпревар во Куманово нападнале играч и пробале да му го соблечат дресот
-
Двајца кумановци, управители на угостителски објект, пуштале гласна музика во денови на жалост за трагедијата во Кочани
-
Путин: Резултатот од војната во Украина треба да биде долгорочен мир и безбедност за Русија
-
Рубио: Русија подготвува документ со барања за прекин на огнот во Украина
-
Во Ватикан почна инаугуративната миса на папата Лео Четиринаесетти
-
Ресенчанец возел со 2.38 промили алкохол во крвта и без дозвола