Објавен романот „Проштален подарок“ од Владимир Тасиќ

Издавачката куќа „Слово“ од Скопје го објавен романот „Проштален подарок“ од современиот српски прозаист Владимир Тасиќ.

Романот е објавен во рамки на проектот 100 словенски романи, кој се реализира од страна на тринаесет словенски земји. Досега во Македонија се реализирани осум наслови од земјите учеснички во проектот, а шест македонски романи до годинава во различните земји.

Романот на Тасиќ е сугестивна и вртложна приказна. Книгата го открива Тасиќ како писател на исклучителна сила и несекојдневна имагинација и култура. Почнувајќи го како роман за семејниот живот во пореметената историска рамка на деведесеттите години од минатиот век, прераснува во возбудливо и силно раскажување за драматичната потрага по братот и за искуствата на новата емиграција. Јунакот на Тасиќ заминува од Нови Сад во чија митологија и секојдневие овој роман го наоѓа едно од своите плодоносни средишта, за дури во Канада, во својот сосема нов живот кој во никој случај не е ослободен од искустата на животот кој е напуштен, ја дознал целата вистина за братот и за неговото исчезнување.