Објавен конкурсот за наградата „Жан Моне 2017“
Делегацијата на Европската унија во Македонија денеска го објави 15. конкурс за наградата „Жан Моне“ за најдобрите достигнувања во покривање на темата „ЕУ за ТЕБЕ?“.
Наградата ќе биде доделена во категориите: најдобра новинарска сторија (за стории објавени во печатени медиумии/или на интернет) најдобра репортерска фотографија (за фотографии објавени во печатени медиуми и/или на интернет) и најдобра аматерска фотографија.
Творбите кои ќе учествуваат во оваа категорија се авторски стории на тема: „ЕУ за ТЕБЕ?”, објавени во национални весници, списанија и на веб-страници, во периодот меѓу 20ноември 2016 и 19 ноември 2017.
Сториите треба да се однесуваат на темата „ЕУ за ТЕБЕ?“, да се објавени во периодот меѓу 20 ноември 2016 и 19 ноември 2017 и да се потпишани со вистинското име на авторот, кој треба да е македонски државјанин.
Копии од новинарските стории во дигитален пдф формат, заедно со изјава во писмена форма, потпишана од авторот, со која гарантира дека таа/тој е автор на сторијата, треба да се испратат на електронска адреса: JMcompetition@euic.mk најдоцнадо 20 ноември годинава во 18 часот.
Свеченото доделување на наградите ќе се одржи на 14 декември годинава.
Ново на Сител
-
Доживотен затвор за Усеин Р. кој со 42 убоди од нож ја уби Танкица Младеновска од Кочани
-
Училиштата каде што ќе се гласа на изборите, на 23 април и 7 мај ќе работат до 11 часот
-
„Сакаме да јадеме нешто“: Илјадници патници заробени на аеродромот во Дубаи
-
Во поплавите во Пакистан и во Авганистан загинаа приближно 140 луѓе
-
Одреден притвор за заменик директорот на косовската полиција, останатите полицајци ослободени
-
Битолчанец со воздушна пушка од својот балкон пукал кон куче скитник
-
Петмесечно бебе со пертусис хоспитализирано во прилепската болница
-
Во Велес исчезна 56-годишен маж