Обдукциите на телата од пожарот во Тетово се завршени

Телата на починатите кои загинаа во страотниот пожар кој ја зафати модуларната болница во Тетово, се уште не им се предадени на семејствата, информира за „Слободен печат“ директорот на Институтот за судска медицина, доктор Александар Станков.

Тој истакна дека обдукциите се завршени, но има уште работа.

-Обдукциите се завршени но има уште работа. Ниеден од починатите уште не е предаден на семејството, одговори докторот.

Во страшниот пожар кој избувна завчера вечерта, 14 лица загинаа, а 12 се спасија и се хоспитализирани на интерно.