Свет
24. September 2016 - 11:05

Обама стави вето на законот за тужби против Саудиска Арабија

Американскиот претседател Барак Обама синоќа стави вето на законот со кој им се дозволува на семејствата на жртвите од нападите во САД на 11 сешптември 2001 година да ја тужат Саудиска Арабија.

Обама со ветото ризикува да биде жестоко нападнат од јавноста, но и во Конгресот.

Американскиот претседател изрази „длабока симпатија“ за семејствата на жртвите, но изјави дека без оглед на тоа, законот би бил „штетен за националните интереси на САД“ и би ги поткопал принципите на суверениот имунитет.