Обама ги повика демократите во Конгресот да се борат против укинување на реформата за здравствено осигурување
Барак Обама ги повика демократите во Конгресот да се борат против укинување на неговата емблематична реформа на здравствено осигурување, која Доналд Трамп има намера да ја укине по стапувањето на должност, на 20 јануари, пренесоа француските медиуми.
„Ви завидувам за борбата што ќе можете да ја водите за да го одбраните здравјето на Американците“, изјавил Обама на средбата зад затворени врати на демократите во Конгресот, соопшти сенаторот Ед Марки.
-Претседателот подвлече дека ние сме на вистинската страна и не поттикна да се бориме, рече конгресменот Џон Луис, повикувајќи се на анкетите кои покажуваат дека главните елементи од реформата и натаму остануваат популарни меѓу луѓето.
-Републиканскиот проект нема Америка повторно да ја направи голема, туку тој Америка ќе ја направи повторно болна, изјави лидерот на демократите во Сенатот, Чак Шумер, парафразирајќи ја предизборната парола на Трамп.
По своите изборни порази на претседателските и парламентарните избори, меѓутоа, демократите се во малцинство и во двата дома на Конгресот и речиси немаат простор за маневрирање. Нивната единствена надеж е да го мобилизираат јавното мислење во САД, забележуваат француските медиуми.
Ново на Сител
-
Семејствата на настраданите во Кочани на протест пред јавното обвинителство во Скопје
-
Пратениците расправаат за интерпелација на министерот Тошковски
-
Николоски: Предвремени избори нема да има
-
СДСМ: Дали градоначалникот Стефковски лично се јавувал за неговиот брат да не биде казнет?
-
Мерката замрзнати маржи истекува утре, ако цените растат владата ќе донесе нови мерки
-
Наумоски: Концесијата нема да ги заштити ендемичните риби
-
Преглед на вестите од светот
-
За 100 евра месечно поскапе сместувањето во државни старечки домови