Масовниот прекин на струја на Пиринејскиот Полуостров предизвикан од дефект во меѓусекторската врска меѓу Франција и Шпанија
Големиот прекин на електроснабдувањето што го парализираше Пиринејскиот Полуостров вчера, бил предизвикан од ненадејна загуба на 15 гигавати електрична енергија во шпанската мрежа во рок од само пет секунди, што доведе до дефект во меѓусекторската врска меѓу електропреносните мрежи на Шпанија и Франција. Според шпанскиот мрежен оператор РЕЕ, европските енергетски мрежи не се проектирани да издржат вакви нагли загуби, што резултираше со колапс на електроснабдувањето во Шпанија и делови од Португалија.
Едуардо Прието, раководител на системските операции на РЕЕ, изјави дека сериозниот дисбаланс во енергетското производство предизвикал прекин во врската меѓу шпанската и француската мрежа, што довело до масовниот прекин.
Претходно шпанскиот премиер Педро Санчез во телевизиско обраќање до нацијата рече дека „точните причини сè уште се истражуваат, и ниту една хипотеза не е исклучена“. Тој истакна дека половина од територијата на Шпанија повторно е со електрична енергија, откако мрежниот оператор успеал да ја стабилизира дистрибуцијата по голема хаварија што вчера го парализираше Пиринејскиот Полуостров.
Во останатите делови на земјата се очекува напојувањето да се воспостави во текот на денот.
Португалскиот премиер Луиш Монтенегро, пак, претходно рече дека нема индикации за кибернапад и очекува целосно обновување на електроснабдувањето во наредните часови.
Прекинот предизвика хаос во двете земји, со откажани летови, нарушувања во јавниот транспорт, затворени метро-системи во Лисабон, Порто и Мадрид, како и прекин на работата на семафорите. Болниците беа принудени да откажат планирани операции и да се потпрат на резервни генератори за итни случаи. Во Шпанија, автономните региони Мадрид, Андалузија и Естремадура побараа воведување на вонредна состојба, а шпанското Министерство за внатрешни работи прогласи вонредна состојба во овие области.
Обновувањето на електроснабдувањето започна вчера попладне во регионите на Баскија и Барселона, а подоцна и во Мадрид и центарот на Лисабон.
Во меѓувреме, паниката во Мадрид доведе до долги редици во супермаркетите и празни рафтови, додека дел од метрото беше евакуиран, откако граѓани останаа заглавени во вагони и лифтови. Банката на Шпанија соопшти дека електронското банкарство функционира преку резервни системи, иако граѓаните пријавуваа неисправни банкомати.
Ново на Сител
-
Студентите од Правниот факултет во Ниш поднесоа кривична пријава против Вучиќ поради посетата на пациенти од Кочани во УКЦС
-
Почна протестот на семејството на Фросина Кулакова која загина во сообраќајка на „Партизанска“
-
Обвинителството бара замена на мерката „притвор“ со „куќен притвор“ за поранешен министер за економија и државен секретар за трагедијата во Кочани
-
„Тајмс оф Израел“: Нетанјаху побарал од Трамп да не ги укинува санкциите за Сирија
-
Собранието го донесе Законот за енергетика, за Божиновска тоа е еден од најважните
-
Зеленски: Не сум разговарал со Венс од кавгата во Белата куќа
-
Холандија и Данска се најдобри земји за деца
-
Приведен 61-годишник, при претрес на неговиот дом најдени се пушки, пиштол и куршуми различен калибар