Новиот премиер на Велика Британија ќе биде избран најдоцна до 2 септември

Новиот премиер на Велика Британија ќе биде назначен најдоцна до 2 септември, согласно планот определен денеска од страна на комитетот одговорен за изборите на нов лидер на партијата, по одлуката на Дејвид Камерон за поднесување на оставка.

-Препорачуваме процедурата за избирање нов лидер на Конзервативната партија да почне идната седмица и да заврши најдоцна до 2 септември, изјави Греам Брејди, претседателот на парламентарната група „Комитет 1922“.

Тој наведе дека избирот на кандидати треба да заврши до 30 јуни. 

Предлозите треба да бидат одобрени од целиот комитет. 

Камерон најави дека ќе се повлече од неговата функција поради резултатите од референдумот, според кои неговите сонародници избраа Велика Британија да излезе од ЕУ. 

Бидејќи конзервативците се на власт, лидерот на партијата автоматски станува премиер, потсетува ТАСС.