Нови цени на горивата
Ново, благо покачување на цената на горивата можеме да очекуваме со новата корекција на Регулаторната комисија за енергетика, закажана за денеска.
Според последните ценовни движења, барел сурова нафта на берзата во Лондон се продава за над 58,3 долари за еден барел, што е над просекот од последната корекција на малопродажните цени, извршена од регулаторот.
Пред една недела, просечната цена на нафтата била околу 56 долари за барел, што беше намалување во однос на претходниот период, па Регулаторна за половина денар ги намали цените на дизелот и 95 октанскиот ЕУРОСУПЕР, додека 98 октанскиот остана по стара цена, а мазутот поскапи.
Ако продолжи трендот на зголемување на цената на светските берзи, за очекување е идниот понеделник малопродажните цени да се зголемат за околу 1 денар по литар.
Инаку, со последната одлука на РКЕ донесена пред две недели, малопродажните цени на бензинот ЕУРОСУПЕР БС-95, на дизелот ЕУРОДИЗЕЛ (Д-Е V) и на Екстра лесното масло за домаќинство (ЕЛ-1), се намалија за 0,50 денари по литар, со што цената на ЕУРОСУПЕР БС-95 изнесува 63,00 ден/лит, на ЕУРОДИЗЕЛ (Д-Е V) 51,00 ден/лит, а Екстра лесното масло за домаќинство (ЕЛ-1) чини 39,50 денари за литар.
Цената на бензинот ЕУРОСУПЕР БС-98 остана 65,00 денари за литар.
Ново на Сител
-
ЈОРСМ: Дадена наредба за обдукција на починатиот притвореник од Затвор Куманово
-
Адвокат почина во Граѓанскиот суд во Скопје
-
Повторно одложен судскиот процес за Пендиков
-
Тошковски во посета на оперативниот тим „Кафез“ и Регионалниот центар за гранични работи Север
-
Османи во Стразбур, на сесијата на Комитетот на Министри на Совет на Европа
-
На Фицо ќе му биде извршена уште една операција
-
Утре стабилизирање на времето, а од сабота повторно дожд и грмежи
-
Кривична пријава за три лица, лажно нуделе градежен материјал во Охрид и Струга