Нови 833 смртни случаи за 24 часа од Ковид-19 во Франција
Во Франција во изминатите 24 часа се регистрирани 833 смртни случаи, со што бројот на починатите од Ковид-19 достигна 8.911 од почетокот на епидемијатам.
Информациите ги даде министерот за здравство, Оливие Веран, кој прецизира дека во Франција вечерва има 29.752 хоспитализирани лица (+831 пациенти за 24 часа), од кои 7.072 се во сериозна состојба на интензивна нега (+478 повеќе од вчера).
Меѓу добрите вести е таа дека 17.250 лица ја напуштиле болницата излекувани, што од вчера претставува зголемување од речиси 1.000 пациенти. Но, сепак, во болниците постои сериозна напнатост.
Франција има 6.494 смртни случаи во болница (+605 за 24 часа) и 2.417 во старечки домови. Или вкупно 8.911 смртни случаи од 1 март. Покрај тоа, во 3.865 старски домови има регистрирано барем еден случај со Ковид-19.
Министерот за здравство предупреди дека епидемијата се уште е во нагорна линија и дека мерките на ограничено движење треба да продолжат и понатаму.
Ново на Сител
-
Течат последните часови од рокот за приговор - ДИК ќе чека до 19 часот
-
И Мицкоски и Ковачевски во поход за поддршка од помалите партии
-
Изборна кампања
-
Ценовен шок за возачите: Поскапе осигурувањето за регистрација на возилата
-
Токсикологија поплавена, Клиниката два месеци не е осигурана
-
Струшкиот градоначалник Рамиз Мерко не се појави на суд
-
Судскиот Совет ги спроведува препораките на оценската мисија на ЕУ
-
Учениците возбудени за пролетниот распуст