Нови 20 унгарски полицајци на српско-бугарската граница

Нов контингент од 20 унгарски полицајци денеска е испратен на српско-бугарската граница за да им помогне на српските колеги во патролирањето на српско-бугарската граница со цел да се спречат илегални преминувања.

- Вообичаено е денес централноевропските и балканските држави да соработуваат во патролирањето долж балканската рута, изјави директорот на унгарската полиција Карољ Пап.

Тој додаде дека Унгарија од 2015 година им помагала на Србија, Словенија, Македонија, Бугарија и Грција.

Во првите 10 месеци од годината во Унгарија се обиделе да влезат 18.028 илегални мигранти, а 97 проценти од нив преку српско-унгарската граница.

Во изминатите три дена унгарската армија и полиција спречиле 393 илегални преминувања на српско-унгарската граница.