Нова урбана опрема во Гази Баба

Општина Гази Баба продолжува со реконструкција и поставување нова урбана опрема. Низ сите населени места ќе се постават нови 100 клупи и 100 канти за отпадоци. Во акцијата учествуваат вработените на ЈКП „Гази Баба“, кои ја изработуваат урбаната опрема, а општина Гази Баба обезбедува материјал. 

Градоначалникот на општина Гази Баба Тони Трајковски денеска ја посети населбата Железара, каде се уредува парковското зеленило, се санираат клупите и поставени се нови корпи за отпадоци. Тој напомена дека е од голема важност граѓаните да внимаваат на урбаната опрема и да не ја оштетуваат.