Нова истрага за семејството Клинтон
Министерството за правда на САД повторно почна истрага за Фондацијата на семејството Клинтон, со цел открие дали таа добивала пари од спонзори во замена за политички услуги или извршувала други незаконски активности во периодот кога Хилари Клинтон беше државен секретар на САД, пишува „Хил“, повикувајќи се на извори од судските власти.
Агенти на Федералното истражно биро (ФБИ) ја почнале истрагата од Литл Рок, местото од каде започна политичката кариера на Бил и Хилари Клинтон, и каде беше основана нивната фондација.
ФБИ се обидува да дознае дали Бил и Хилари Клинтон ветувале и правеле политички отстапки во замена за хуманитарни работи и дали донаторите на Фондацијата ветувале дека ќе дадат пари за неа во замена за постигнување на определени владини цели.
Исто така, со истрагата треба да се утврди дали средствата на Фондацијата биле префрлани на лични сметки и дали биле користени во лични цели.
Ново на Сител
-
Тема на денот со Сара Миленковска
-
Енергетски колапс: Црна Гора, Босна и Херцеговина и Албанија со часови без струја
-
Пеколни горештини - Пијте вода, внесувајте електролити, контролирајте го притисокот апелираат лекарите
-
Шетаат змии низ Скопје: Две лица за една недела завршија на Инфективна
-
Таравари во понеделник ќе ги разреши економските директори на здравствените установи
-
Утре седница за избор на нова влада
-
Жените на македонската политичка сцена
-
Овчеполието повторно без вода за наводнување, посевите интензивно се сушат