Нова група борци на АНО и се предадоа на колумбиската армија

Над 20 припадници на Армијата за национално ослободување се предале вчера на колумбиската армија. Тоа се толкува како знак дека втората по големина бунтовничка група во Колумбија губи сили во момент кога се подготвува да почне мировни преговори со владата.

АНО ќе почне мировни преговори со владата на претседателот Хуан Мануел Сантос на 27 октомври во обид да биде ставен крај на воениот конфликт што трае веќе 52 години.

За целата година дезертерите од АНО се 252, уапсените се 388, а 46 загинале во борби, соопштија колумбиските сили. Останати се околу 2.000 припадници на АНО кои продолжуваат со акции за киднапирање и уништување нафтени инсталации.