Нов протест за „Монструм", Ајдари не знае кој го организира

Роднините на осудените во Монструм денеска повторно на протест. Почнува во 13:30 во Чаир, а според најавите протестот треба да заврши пред владата. Ова е втор протест откако судот ги објави казните за петтемина обвинети за петкратното убиство кај Смилковско езеро. На претходниот, демонстрантите се судрија со полицијата кај Бит Пазар при што беа повредени 11-мина полицaјци - нападната беше и новинарска екипа. Заради немирите, седум лица беа обвинети за учество во толпа бидејќи според обвинителството, се обиделе да го пробијат полицискиот кордон фрлајќи камења, метални шипки и други предмети. За ова дело тројца ја признаа вината и беа осудени на по една година затвор, а за останите се уште трае судската постапка.

Од денешниот протест се огради семејството Ајдари кое ги организираше претходните протести. Тој за медиумите изјави дека не знае кој е организатор, најави дека тој ќе организира протест идниот петок.

Во случајот Монструм на на доживотен затвор беа осудени тројца од обвинетите, а за двајца судот одреди затворски казни од 9 и 15 години.

Зоран Јаневски