Норис и Леклер најбрзи на тренинзите за ГН на Австралија
Возачот на Мекларен, Ландо Норис и возачот на Ферари, Шарл Леклер беа најбрзи на денешните тренинзи во Мелбурн, пред трката во Формула 1 за Големата награда на Австралија.
Норис беше најбрз на првиот тренинг со резултат 1:18.564. Втор беше актуелниот шампион Макс Верстапен од Ред Бул со заостанување од 0,018 секунди, а на тренингот го оштети подот на својот болид. Третото место го зазеде Џорџ Расел од Мерцедес со 0,033 секунди заостанување.
Првиот тренинг беше прекинат во завршните 20 минути, откако возачот на Вилијамс, Алекс Албон, удри во заштитниот ѕид во свиокот осум и го оштети болидот.
На вториот тренинг најбрз беше Леклер со резултат 1:17.277 минути, втор беше Верстапен со 0.381 секунди, а трет Саинц со 0.430 секунди.
Возачите на Астон Мартин Ленс Строл и Фернандо Алонсо ги освоија четвртото и петтото место, а шести беше Џорџ Расел од Мерцедес.
Третиот тренинг се вози ноќта помеѓу петок и сабота, квалификациите се закажани за в сабота од 6 часот по средноевропско време, додека трката за Големата награда на Австралија се вози в недела од 5 часот.
Ново на Сител
-
Манчестер Сити четврти пат по ред шампион на Англија
-
За личниот живот и 30 годишната кариера со Суперхикс | Петар Младеновски | Sitel Podcast 038
-
Се урна хеликоптерот во кој патуваше претседателот на Иран
-
Велешанец собирал печурки, во коленото му влегол проектил од огнено оружје
-
Пронајдени мигранти од Ирак и Турција
-
Возач и сопатничка повредени во сообраќајка на експресниот пат Штип-Радовиш
-
Мицотакис ја повикува Силјановска Давкова да избегне „слични незаконски и провокативни“ постапки
-
Стабилна состојба на работникот, кој се здоби со тешки повреди во лифт во штипски угостителски објект