СЕХА лига: Струмица „демолирана„ од Загреб

Уште еден очаен настап на ракометарите на Макс Струмица во регионалната СЕХА лига.

 

Македонски вицепрвак на гостувањето во Загреб, загуби со убедливи 42-13.

 

Струмичани во периодот од 21-та до 43-минута не постигнаа ниту еден единствен гол, па предноста на тимот на Веселин Вујовиќ по серијата од неверојатни 20-0 се искачи од 11-6, до 31-6. 

Значајно е да се потенцира дека целата оваа разлика Загреб ја направи додека тренерот Веселин Вујовиќ комбинираше со екипата и им даде шанса и на резервните ракометари. Дури првиот голман, Ивиќ не ни застана меѓу стативите, но затоа Стевановиќ брилјираше со 21 одбрана. Загрепчани се натпреваруваа во ефикасноста, а најдобри беа Шебетиќ и Ковачиќ со по шест гола. Кај Макс Струмица Ален Куленовиќ беше единствената светла точка со седум гола.

Шанса за рехабилитација македонскиот вицешампион ќе има в среда во мечот со Борац во Струмица.