Двајца турски војници убиени во судир со борците на ПКК во Турција

Двајца турски војници загинале во судир со борци на Курдската работничка партија (ПКК) во округот Шарнак во југоисточна Турција, јави турската телевизија НТВ. 

Во текот на операцијата на турските сили против групацијата дошло до престрелка, во која тешко биле ранети двајца војници.

Тие се однесени во болница со хеликоптер, но лекарите не успеале да им ги спасат животите.

ПКК се смета за терористичка организација од Турција, Европската унија и САД. Таа води војна против турската држава од 1984 година во која досега загинаа над 40 илјади лица.