ВМРО-ДПМНЕ: За да дојде на власт и да ги покрие криминалите, Заев тргуваше со највисоките државни и национални интереси
За да се спаси од затворски казни за бројните криминали, криминогеното раководство во врвот на СДС е подготвено да дојде на власт по секоја цена, независно што тоа значи целосно реализирање на тиранската платформа, соопшти денеска ВМРО-ДПМНЕ.
Според партијата, Македонија е заглавена во криза зашто СДСМ сака да ја измами изборната волја на граѓаните и да го занемари гласот на мнозинството кое гласаше за ВМРО-ДПМНЕ. Затоа, како што наведува, нови парламентарни избори заедно со локалните се најефективното решение за излез од кризата. На тие избори граѓаните ќе имаат реална можност да кажат што мислат за т.н. тиранска платформа и за планот на Заев да ја редефинира државата.
- Криминалецот Заев за да ги покрие своите криминали од Поткуп, Пуч, Цареви кули, па се до изборните измами, тргуваше со највисоките државни и национални интереси. За да формира влада и да се спаси себе си од кривичен прогон Заев молкум ја проголтува секоја антидржавна изјава на Зијадин Села, кој Македонците ги прогласи за непостоечка нација, а државните симболи на Македонија не ги признава и сака да ги смени. Молкум ја одобрува и секоја антидржавна изјава на Еди Рама, човекот кој му ја спакува тиранската платформа, смета ВМРО-ДПМНЕ.
Оценка на партијата е дека ниту граѓаните, ниту државата нема да прават отстапки само зашто Заев ги прифатил сите уцени.
- Обврските на СДС кон нарко-мафијата што им помагаше на изборите и кон сите кои го негираат македонскиот идентитет, никогаш нема да бидат прифатени од народот. СДС знае дека ќе биде казнета на избори од граѓаните и затоа почна насилно да се пресметува со нив. Граѓаните гледаат што и прави криминалното здружение СДС на државата и заради тоа се во толкав голем број на улиците во градовите низ Македонија. Тие со право се чувствуваат постизборно измамени, стои во соопштението.
ВМРО-ДПМНЕ уште еднаш нагласува дека тиранската платформа која му е скроена на Заев значи целосна двојазичност, промена на државните симболи, промена на името по грчки терк, федерализација на државата и нејзина дисолуција во последна фаза.
Ново на Сител
-
Истрага од Комисија за судир на интереси против хрватскиот претседател бидејќи ја однел сопругата на ЕУРО 2024 во Германија
-
Времето лечи се | Катерина Ангеловска | Личен Развој | Sitel Podcast 047
-
На „Табановце“ се чека околу 15 минути за влез во државата
-
Нема промена на Рамката
-
Донесени дополнувањата на Законот за енергетика со кои треба да се спречи поскапување на струјата
-
Советници на Трамп му предале план за запирање на американската воена помош на Киев доколку не разговараат за мир со Москва
-
Предлог законот за дополнување на Законот за енергетика, по скратена постапка, проследен на натамошна постапка во Собранието
-
ЕУ ја продолжи заштитата на украинските бегалци до 2026 година