„Велигденско јајце 2017“ во Велес

Манифестацијата се одржа во Младинскиот парк каде беа поставени уредените велигденски  штандови. Ја организира Општина Велес во соработка со градинката „Димче Мирчев“, основните и средните училишта од градот. Собраните средства учениците и здруженијата ќе ги искористат за свои потреби.

 

Како што велат од Општината, целта на „Велигденско јајце 2017“ е учениците да ја искажат својата умешност и креативност и на најубав начин да го одбележат доаѓањето на големиот христијански празник Велигден, продолжувајќи ги древните традиции на рачно украсување на велигденските јајца.

 

Кон манифестацијата годинава се приклучија вработените и учениците од ООУ „Стојан Бурчевски-Буридан од село Иванковци, од Ученичкиот средношколски дом „Лазар Лазаревски“, ПОУ „Маца Овчарова“, волонтерите на Црвен крст Велес, ЗК „Креација“ и Активот на жени пензионерки.