Белата куќа ги обвинува Москва и Дамаск дека се обидуваат да го„збунат светот“

Белата куќа во Вашингтон оцени дека Москва и Дамаск се обидуваат да ја збунат меѓународната јавност за нападот од 4 април околу тоа кој е одговорен за употребата на хемиско оружје против вооружените бунтовници, во кои настадаа и цивили.
Според Си-Ен-Ен, неименуван висок функционер на администрацијата на претседателот Доналд Трамп рекол дека Русија е виновна за нападот.
Овој извор открива дека админстрацијата на САД ја обвинува Москва за „помагање на сирискиот режим“ во настојувањето да се прикрие хемиското оружје, за кое се тврди дека „очигледно се уште го имаат на располагање“.
- Сосема е јасно дека Русите сега се обидуваат да го прикријат она што се случи и да му дадат сосема друга димензија, рекол овој извор за Си-Ен-Ен.
Директното посочување на Москва како виновник и соучесник во нападот со хемиско оружје , што го изврши сириската армија , доаѓа во време додека државниот секретар Рекс Тилерсон е во Москва, во како што се вели, исклучително важна мисија, во рускиот главен град за ситуацијата во Сирија и за идните односи со Русија.
Функционери на администрацијата на Трамп тврдат дека се располага со сознанија за тоа дека „Русите биле во малата база, непосредно пред да биде извршен нападот, но дека ништо не сториле тој да биде спречен“.
Си-Ен-Ен открива дека сириски авион Су-22 полетал од базата и по 20 минути лет го исфрлил гасот сарин врз реонот на Идлиб.
Американците тврдат дека хемиската супстанца која е употребена во нападот, била откриена по земањето примероци од жртвите на контаминацијата.
Портпаролот на Белата куќа, Шон Спајсер сепак, изјави дека разузнавачките агенции не се едногласни околу тоа дали Русија била вклучена во нападот.
Изјавите на функционери на Белата куќа доаѓаат веднаш по соопштението на рускиот претседател Владимир Путин за тоа дека Москва има сознанија оти претстои напад на САД врз делови од Дамаск, како и дека ќе има уште вакви „лажни напади си хемиско оружје“ за да се набеди и дисквалификува претседателот Башар ал Асад.
Ново на Сител
-

Тошковски: Придобивките од „One Stop“ веќе се видливи, на Табановце се чека околу 30 минути
-

Поранешниот потпретседател за респираторни истражувања во Фајзер: Ковид вакцините се токсични
-

Мицкоски: Коридорот 8 ќе биде завршен до 2029 година, автопатот Кичево–Охрид до втора половина на 2027
-

УХМР: Дожд во вечерните часови и во текот на утрешниот ден, следува заладување
-

Специјалците спасија тешко повреден алпинист кај Демир Капија
-

Сиљановска-Давкова за Денот на албанската азбука: Единството нема да ги негира, туку ќе ги респектира различностите
-

Мицкоски: „One Stop Shop“ системот ќе го олесни транспортот и ќе ги доближи Македонија и Албанија
-

Руските загуби во Украина се неодржливи, се приближуваат до размери од Втората светска војна
