Прв академски час на Технолошко-техничкиот факултет во Велес
Со академски час за бруцошите стартува новата академска 2015-2016 година на Технолошко-техничкиот факултет со седиште во Велес.
Добредојде им посака деканката на факултетот проф. д-р Валентина Павлова која ги запозна студентите со наставните предмети и професорите. Во нивна чест беа интонирани химната на Македонија и студентската химна „Гаудеамус игитур“.
Деканката Павлова им ги врачи и индексите на вкупно 53 студенти од кои на насоката нутриционизам се запишани 23 редовни и 10 вонредни студенти, а на насоката прехранбена технологија и биотехнологија 20 редовни студенти.
- Надлежните велат дека факултетот, кој е единствен од ваков вид во земјава и пошироко, има перспектива, затоа што нашите кадри се барани на пазарот на трудот, потенцира деканката Павлова.
Информира дека Факултетот работи од академската 2008/2009 година и на него досега дипломирале над 100 студенти од кои добар дел нашле работа во индустријата за здрава храна или отвориле сопствен бизнис. Посочи дека во понеделникот била одбранета и првата магистерска дисертација.
Прецизира дека на дисперзираните студии на Факултетот во Кичево и Битола во оваа академска година се запишале 75 студенти.
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот