Робин О'Нил: Македонија од секогаш е под закана на соседите
„Македонија одамна е под закана од соседите, кои не ѝ посакуваат добро, па дури и би сакале таа да исчезне. Но, стабилноста на балканскиот регион налага Македонија да опстои како суверена држава во рамките на сегашните граници“, истакнува поранешниот медијатор во грчко-македонскиот спор за името Робин О'Нил за Програмата Гласот на народот на Радио Слободна Македонија.
Според британскиот амбасадор О'Нил, историјата на поранешна Југославија во изминатите триесет години ги покажа трагичните последици што може да настанат од конфликти меѓу различни етнички и верски заедници во државата.
- Од независноста наваму, со мудроста на лидерите и на народот на Македонија беше избегнат таков конфликт и тоа е пример за останатиот дел од Европа, вели додава амбасадорот О'Нил.
Задржувајќи се на актуелните збидувања во Македонија, О'Нил со оценка: „Македонија е клучна за стабилноста на јужниот дел од регионот, и сега, другите членки на Европската унија треба да изнајдат начин за надминување на пречката што е ставена на патот за членство на Македонија во изминативе дваесет години.“
- Тоа вклучува и признавање на Република Македонија под нејзиното уставно име. Убеден сум дека Владата на Македонија сега мора да даде приоритет на ова во својата надворешна политика, а пред сé, во претстојните разговори со комесарот Хан, оценува О'Нил.
Спомнувајќи ја денешната посета на еврокомесарот Јоханес Хан на Македонија, амбасадорот О'Нил ја поздрави неговата изјава дека трајното решение на ситуацијата во регионот лежи само во рамките на Европската унија каде што разликите меѓу земјите-членки се надминати и исчезнуваат.
- Тоа значи сите земји во регионот кои ги исполнуваат условите за членство да бидат примени во Европската унија, вклучувајќи ја и Македонија, истакнува британскиот амбасадор Робин О'Нил за Програмата Гласот на народот.
Ново на Сител
-
САД ќе продолжат да се ангажираат за прашања од заеднички интерес
-
Може ли за неколку месеци да се стане АИ експерт? | Growth Labs Academy | Sitel Podcast 050
-
Полицијата презема мерки за пронаоѓање шест лица - работници од Непал
-
Избувна пожар во светиниколско: Изгоре штала, две грла добиток, млин, сточна храна
-
Во Струмица oбид за киднапирање на тригодишно дете, полицијата испитува дали се работи за кривично дело
-
Мицкоски за можна средба со Мицотакис во Вашингтон: Се надевам дека ќе го задржиме достоинството и дека ќе разговараме како партнери и добри соседи
-
Путин очекува Орбан да зборува од името на Европа за Украина
-
НАТО на самитот во Вашингтон ќе бара стандардизација на артилериската муниција