Могерини во Скопје на средба со Иванов и политичките лидери
Високата претставничка за надворешна и безбедносна политика на Европската унија, Федерика Могерини, денеска попладне ќе пристигне во Република Македонија во рамки на нејзината мини-турнеја на Западниот Балкан.
Како што информираа од Европската комисија, во Македонија таа ќе се сретне со претседателот Ѓорге Иванов, со лидерите на политичките партии застапени во македонското Собрание, како и со студентите што партиципираат во „Еразмус“ програмата.
- За Европската унија, работата со земјите од Западен Балкан, регион што е во срцето на Европа, е клучен приоритет. Работам за да го видам секој од нашите апртнери на Западниот Балкан како напредува на патот на реформите кон Европската унија, за да се осигури дека овој процес е неповратен. Регионалната соработка и добрососедските односи остануваат од суштинско значење во овој контекст, истакна Федерика Могерини спроти почетокот на мини-турнејата на Балканот.
Могерини во Македонија, ќе допатува од Црна Гора, а утре ќе биде во Белград, Србија, каде што ќе се сретне со претседателот Томислав Николиќ, премиерот Александар Вучиќ и други политички лидери. Подоцна истиот ден, високата претставничка за надворешна политика и безбедност ќе замине за Тирана, Република Албанија, каде што ќе се сретне со претседателот Бујар Нишани, премиерот Еди Рама и претставници на парламентарните партии.
Во сабота на 4. март, Федерика Могерини ќе отпатува за Косово, каде во Приштина ќе се сретне со претседателот Хашим Тачи, со премиерот Иса Мустафа и други, а ќе го посети и реонот на Митровица.
По оваа посета на земјите од Западниот Балкан, Федерика Могерини се очекува да направи извештај за состојбата во регионот, кој потоа ќе биде разгледуван на Советот за надворешни работи на Европската унија во понеделник, а ќе биде тема и на Самитот на Европскиот совет закажан за 9. и 10. овој месец.
Популарно од Македонија
Ново на Сител
-
Кривична пријава против три физички и едно правно лице од велешко за сторени повеќе кривични дела во врска со кражба на дрва
-
Орбан: Ако Зеленски сака пари мора да ги обнови испораките преку нафтоводот „Дружба“
-
Трамп: Не ни треба ничија помош
-
Нов бран ирански напади врз американско-израелски цели во регионот
-
Албанија го прогласи Иран за спонзор на тероризмот, Израел ја поздрави резолуцијата нарекувајќи ја историска
-
Фондацијата „Илија Камчев“ донира 300.000 евра за уредување на кејот во Марена
-
Асоцијацијата на брокерски друштва и Министерството за финансии во дијалог за европски стандарди и фер услови на осигурителниот пазар
-
Скопската Зоолошка организира прослава за првиот роденден на гибонот Мики
