Европол: Уапсени 36 лица во акција против шверц на дрога и перење пари
Во рамките на акцијата за разбивање на меѓународниот ланец за шверц на дрога и перење пари, кој дејствувал меѓу Мароко и Европа, уапсени се 36 лица и запленети се 5,5 милиони евра во кеш, соопшти денеска Европол.
Покрај парите, се наведува во соопштението, запленето е и злато во вредност од 800.000 евра, 20 килограми кокаин и три полуавтоматски пушки.
Во минатонеделните рации, во кои беа вклучени 450 полицајци во Франција, Белгија и Холандија, полицијата дошла до докази и ги упасила осомничените.
Европол истакна дека криминалната банда користела автомобили со цел да ги пренесат парите, заработени со продажба на дрога во Франција во Белгија и Холандија.
Како што се потенцира, повеќе од милион евра се префрлувани секој месец.
Парите се испрачани во Мароко преку Блискиот Исток со користење на „нерегулирани финаниски канали“.
Белгиските претставници изјавија дека парите од дрогата се во висина од околу 400 милиони евра.
Од канцеларијата на бриселското обвинителство се наведува дека големо количество пари се испратени преку Дубаи, а перењето се вршело преку фиктивни компании во Казабланка.
Во 11 полициски рации само во Белгија, во кои биле вклучени речиси 100 полицајци, запленети се три милиони евра, седум возила, 78 делови на компијутерска опрема и две парчиња огнено оружје, а упасени се седум лица.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд