ЛШ: РНЛ му „врати“ на Вардар

Македонскиот ракометен шампион Вардар вечерва го претрпе вториот пораз во групата Б од Лигата на шампионите. Во Скопје на триумф се радуваше германскиот првак Рајн некар Ловен, кој победи со 29:26. Ова за Вардар е прв пораз на домашен терен.

Во првото полувреме кое заврши нерешено 15:15, двете екипи се менуваа во водството. На почетокот на вториот дел гостите од Германија успеаја да се „одлепат“ резултатски и за првпат водство од шест голови имаа во 49.минута (25:19). Оваа предност ја имаа до 55.минута (28:22), а до крајот Вардар успеа да го ублажи поразот.

Најефикасни кај Рајн Некар Ловен беа Мадс Ларсен и Харалд Рајнкинд со по 7 голови, додека кај Вардар најпрецизни беа Жоан Канељас и Вуко Борозан со по 6. Голманот на РНЛ Микаел Апелгрин дуелот го заврши со 16 одбрани.

Вардар во следното коло гостува кај европскиот првак Киелце.

Табела: Вардар 12 бода, Рајн некар Ловен 11, Киелце 10, ПИК Сегед 9, Мешков Брест 7, Цеље 4, Кристијанштад 3, Загреб 2.