Втора археолошка конференција „Неолитот во Македонија“
„Неолитот во Македонија II“ е насловена археолошката конференција која во организација на Центарот за истражување на предисторијата (ЦИП) ќе се одржи денеска во Археолошкиот музеј на Македонија.
Таа е втора конференција посветена на резултатите од истражувањата на неолитските локалитети и материјалната култура. Годинава на конференцијата ќе учествуваат повеќе археолози од Македонија и од странство кои ќе ги презентираат своите истражувања поврзани со рекогносцирањата на неолитските локалитети во скопскиот и во пелагонискиот регион.
Како што информира ЦИП, во неколку излагања акцент ќе биде ставен на врските меѓу неолитските локалитети во Македонија и Бугарија, особено на оние што комуницирале по долината на реката Струма.
Во рамки на конференцијата ќе биде промовиран зборникот „Неолитот во Македонија: нови перспективи и сознанија“ кој ги содржи рефератите презентирани на минатогодишната конференција.
Воведни предавања на конференцијата ќе имаат бугарските археолози Васил Николов и Крум Бачваров од Националниот институт за археологија при Бугарската академија на науките.
Ново на Сител
-
Во Германија една четвртина од вработените сè уште работат од дома
-
Тошковски: Справувањето со илегалната миграција и останатите форми на прекуграничен криминал се еден од нашите главни приоритети
-
Мицкоски: Граѓаните да бидат спокојни зголемување на цената на електричната енергија нема да има
-
Повредени тројца од екипата на Итна помош откако беа заглавени во лифт во Кисела Вода што паднал во подрум
-
За пет месеци фреквенцијата на патници на ГП „Блато" зголемена за 14 отсто
-
Николоски бара Обвинителството да го испита работењето на ЈП за државни патишта и ЖРСМ Инфраструктура
-
Приведен скопјанец кој уценувал девојка
-
До март најверојатно ќе се реализираат две линеарни зголемувања на пензиите, најави Мицкоски