Белата куќа разочарана од одлуката на Врховниот суд на САД
Белата куќа изрази разочарување од одлуката на Врховниот суд да не ги слушне аргументите на администрацијата на претседателот Барак Обама во настојувањето да го спаси планот со кој милиони илегални мигранти ќе бидат заштитени од депортирање.
Според планот на Обама, околу четири милиони луѓе кои илегално живеат во САД најмалку од 2010 година, немаат криминално досие и имаат деца кои се американски државјани или имаат законски постојан престој, би биле заштитени од депортирање и би добиле работна дозвола.
Врховниот суд кон крајот на јуни оваа година бил поделен во одлуката со четири гласа „за“ и четири „против“, поради што на сила останува пресудата на понискиот суд од 2015 година, кој ја отфрли извршната уредба на претседателот Обама.
Со оваа пресуда Врховниот суд потврди дека Обама ги пречекорил своите овластувања со едностраната одлука, со која се обидел да го избегне Конгресот, каде мнозинството го имаат републиканците.
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228