Преку обуки за иновации и претприемништво до вработување
Обука на тема „Иновации и претприемништво“ наменета за невработени лица на возраст од 25 до 45 години, кои имаат потреба или сакаат да го надградат своето знаење во областа на претприемништвото, во наредните четири дена ќе се спроведе во Скопје во рамки на проектот „Пат до вработување - развивање нови вештини и знаења за невработените лица“ што го спроведува Тренинг центарот Ц.Е.С.
Обуката е финансирана преку програмата „Еразмус плус“ на Националната агенција за европски образовни програми, чија цел е да се поттикнат иновативноста и креативноста кај невработените лица, да се запознаат со темите и предизвиците во областа на претприемништвото и да се охрабрат да развијат сопствени идеи и иницијативи за социјално претприемништво.
Проектот се спроведува со партнер организации од Полска, Бугарија и Романија, а учесниците на обуката имаат можност да ги споделат своите искуства со искуството на невработените лица од овие земји.
Нашата порака е, потенцираат од Тренинг центарот Ц.Е.С, да се земе малку поактивно учество во развојот на сопствени бизниси.
- Работиме согласно барањата на пазарот на трудот и барањата на лицата кои бараат вработување. Пазарот на трудот бара континуирани обуки, зајакнување на капацитетите и на ресурсите со кои се работи, како и надградба на вештините кои се стекнуваат во текот на работењето, велат од Ц.Е.С, Центарот што го промовира и развива концептот на доживотно учење и унапредување на квалитетот на културниот живот во градот и регионот.
Ново на Сител
-
Во Скопје утре ќе се реализира авионска и терестрична дезинсекција против ларви од комарци
-
Трипуновски: Агенцијата за стокови резерви ќе набави 15 илјади тони пченица исклучиво од македонско производство
-
Голем пожар беснее во Измир
-
ЈСП Скопје: Приватните автобуси ќе возат согласно возниот ред, долгот ќе се сервисира според договореното
-
20.000 евра казна за сопственик на два папагали - Им ги пресекол крилата за да се сликаат со туристи на Халкидики
-
Обид за убиство во Струмица - Кривична за четири лица меѓу кои и малолетник
-
Директорка на државен ученички дом во Битола проневерила 202.500 денари
-
Починат работник донесен во Ургентниот центар во тетовската болница