Андреас Шојер: Македонија е важен партнер за Баварија и Германија
Интензивирање на партнерството со Република Македонија, подобрување на економската соработка и соработката на полето на надворешната политика се целите на кои што ќе работат Германија и Македонија, најави генералниот секретар на баварската партија ЦСУ, сестринска партија на ЦДУ на канцеларката Меркел, по средбата со претседателот на ВМРО - ДПМНЕ.
- Македонија е важен партнер за Баварија и Сојузна Република Германија. Разговаравме со делегацијата од Р. Македонија како да го интензивираме партнерството. Најпрво, со пријателите од Македонија би сакале да организираме економски Форум во Баварија и се надеваме дека и понатаму ќе соработуваме на полето на надворешната политика. Се соочуваме со големи предизвици и сакаме да и дадеме перспектива на Македонија во иднина. Македонија спроведе неверојатно многу реформи и Баварија е стабилен партнер на Република Македонија, изјави Андреас Шојер, генералниот секретар на ЦСУ во германскиот Бундестаг.
Според Шојер, Македонија е дел од Европското семејство, направила многу за време на бегалската криза и спровела многу од европските реформски зафати.
- Македонија има апсолутна перспектива во ЕУ. Баварија гледаше како Македонија се справи со мигрантската криза и затоа се чувствуваме и обврзани и почитуваме што политиката во Македонија спроведе суштински реформи во име на интеграциите на Европа. За мене, Македонија е дел од европското семејство. Баварија има интензивни контакти со Македонија кои ќе продолжиме да ги одржуваме и понатаму, изјави Шојер по средбата со делегацијата на ВМРО - ДПМНЕ, јави дописникот на МИА од Берлин.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера