Крива Паланка завиена во црна, жали за загинатите Јован и Марина
Советот на Општина Крива Паланка на вонредна седница донесе одлука за прогласување на 9 август – ден на жалост во општина Крива Паланка по повод трагичната смрт на Велиновска Марина (39) и нејзиниот малолетен син, шестгодишниот Јован, кои во сабота вечерта, на 6 август, трагично ги загубија животите во поплавите предизвикани од силното невреме кое го зафати Скопје.
Починатата Марина Велиновска беше мајка на две деца. Во моментот на страшното невреме целото семејство се враќало од годишен одмор. Таткото, кој е професионален пожарникар, и постариот син, по неколкучасовна борба со водената стихија успеале да ја избегнат кобната судбина.
Знамињата во општина Крива Паланка ќе бидат истакнати на половина копје. Сите културни и спортски манифестации закажани на територијата на општината ќе бидат одложени и угостителските објекти ќе емитуваат сериозна музика.
Исто така, советниците донесоа одлука и за доделување еднократна финансиска помош во висина од 300.000 денари за санирање на последиците од поплавите во Скопје и Тетово од 6 август 2016 година.
Популарно од Македонија
Ново на Сител
-
Владата донесе одлука - кризната состојба за нафта и нафтени деривати продолжена до 20 октомври
-
УЈП: Над 35.000 граѓани поднеле барање за кориснички профил на даночен обврзник, но постапката за регистрација не е целосно завршена
-
Дресот на Пеле од финалето на СП 1958 продаден за 4.8 милиони долари
-
Грешка која ја прават повеќето возачи при користење повеќесезонски гуми
-
Кривична за косовски државјанин кој насилно ја преминал граничната линија откако бил фатен во обид да криумчари дрога
-
Кривична за поранешна претседателка на комисија во Министерство за здравство за несовесно работење при надзор над медицински канабис
-
Гром предизвика пожар кај село Макреш, изгореа околу 15 хектари
-
Трамп ја обвини Кина за вмешаност во изборите во САД во 2020 година
