Тела на 120 мигранти се исфрлени на бреговите на Либија во последните десет денови

Тела на 120 мигранти биле исфрлени на бреговите на Либија во последните десет денови, во близина на местата каде претходно се случиле несреќи со бродови или чамци во Средоземното Море, соопшти Меѓународната организација за миграција.

Вкупно 4.027 мигранти и бегалци загинале ширум светот од почетокот на годинава, од кои три четвртини во Средоземното Море при обид да пристигнат во Европа.

Ова претставува зголемување на бројот на жртвите од 35 отсто во споредба со првите седум месеци од минатата година, наведува организацијата.