ВМРО-ДПМНЕ: СДСМ единствено знае да спроведува политика на деструкција

СДСМ единствено што знае и умее е да ја спроведува политиката на деструкција по наредба на Зоран Заев, а заедно со Сорос и нивните сателити се противеа на изградбата на жичарница на Водно, се наведува во пишаната реакцијата на ВМРО-ДПМНЕ на прес-конференцијата на Дамјан Манчевски.

- Тие се противеа на изградбата на арената Филип Втори, најавувајќи дека таа ќе се сруши, на изградбата на Плоштад Македонија кој носи неколкукратно повеќе туристи во главниот град, ти беа против изградбата на новиот објект на Македонскиот народен театар кој сега ги има најмодерните услови за сценски изведби на балканот и пошироко, факт кој е признаен од сите театарски работници во регионов и пошироко и беа против изградбата на Музејот на македонската борба и десетици други градби кои се места што се препорачуваат во странски списанија и кои ги посетуваат илјадници туристи, се истакнува во соопштението.

Според ВМРО-ДПМНЕ, од СДСМ и Сорос не се очекува ништо друго освен насилство, палење, ограбување на институции и деструкција. Затоа, велат тие СДСМ - Сорос ќе бидат катастрофално поразени на следните избори.