Ин мемориам, почина познат писател

Почина носителот на Нобеловата награда Ели Визел, кој го преживеао холокаустот и стана влијателен писател, соопшти Меморијалниот центар на холокаустот „Јад Вашем" во Ерусалим.

Роден во 1928 година, Визел пишуваше главно за престојот во нацистичките концентрациони логори и во 1986 година ја доби Нобелова награда за мир.

„Јад Вашем ја оплакува смртта на Ели Визел - преживеан од холокаустот, добитник на Нобеловата награда и влијателен писател", соопшти музејот на холокаустот на Твитер. 

По повод смртта на Визел се огласи и американскиот претседател Барак Обама, кој меѓу другото рече дека тој бил моралниот глас на нашето време и на многу начини - совеста на светот.