Потврдена подготвеноста за мирно решение за Нагорно-Карабах
Претседателите на Ерменија и на Азербејџан на вчерашниот состанок со рускиот претседател Владимир Путин ја потврдија подготвеноста на мирен начин да се изнајде решение за судирите во областа Нагорно-Карабах.
Во заедничкото соопштение по состанокот се наведува дека е договорено да се зголеми бројот на меѓународни набљудувачи во зоната на судири.
Претседателот на Ерменија и на Азербејџан, Серж Саргасјан и Илхам Алиев, изразија задоволство од почитувањето на постигнатиот договор за прекин на огнот.
Ерменија и Азербејџан со децении имаат спор за Нагорно-Карабах, каде мнозинството население се Ерменци. Областа за време на Советскиот Сојуз беше припоена кон Азербејџан.
Нагорно-Карабах е под контрола на локалните ерменски сили и ерменската армија од кога е завршена војната во 1994 година. Судири повторно избија во април годинава при што загинаа 75 лица. Примирјето беше потпишано на 17 мај во Виена.
Ново на Сител
-
Демонстрации во Барселона против прекумерниот туризам
-
Жестоки борби во источна Украина, Русите напаѓаат се повеќе локации во Доњецк
-
Претседателот на Владата Мицкоски ќе ја предводи македонската делегација на Самитот на НАТО
-
ЦУК: Сите 18 пожари на отворено се изгаснати и од нив активни утрово нема
-
Санкционирани 134 возачи во Скопје
-
Сончево и топло, максималната температура до 38 степени
-
Во Израел денеска е ден на протести, со барање за распишување избори
-
Втор круг од парламентарните избори во Франција, се предвидува релативна победа на десницата