Извозот на стоки во првата половина од годинава 2.173.287.000 долари

Вкупната вредност на извозот на стоки од Македонија во периодот јануари-јуни годинава изнесува 120.312. 877.000 денари или 2.173.287.000 долари, (1.953.215.000 евра), објави денеска Државниот завод за статистика. 

Вкупната вредност на увозот на стоки во првата половина од годинава изнесува  171.697.690.000 денари или 3.101.797.000 долари  (2.787. 458.000 евра).  

Трговскиот дефицит, во периодот јануари-јуни годинава, според статистиката, изнесува 51.384.813.000 денари или 928.510.000 долари (834.243.000 евра). 

Покриеноста на увозот со извоз во периодот јануари-јуни годинава е 70,1 процент. 

Трговската размена по производи покажува дека во извозот најголемо е учеството на катализаторите на носачи со благородни метали или нивни соединенија, фероникелот, сетовите на проводници за палење и слично, за возила, авиони или бродови, производите од железо и челик (валани производи). Во увозот најмногу се застапени платината и легурите на платина, необработени или во прав, нафтените масла и маслата добиени од битуменозни минерали (освен сурови), електричната енергија и другите метали од платинската група и нивни легури, необработени или во облик на прав.