Меркел со поддршка за Ердоган за цензурираната програма на ЦДФ
Германската канцеларка Ангела Меркел смета дека поемата на германскиот сатиричар Јан Бехерман објавена на јавниот ТВ сервис ЦДФ во која се зборува за турскиот претседател Ердоган е текст кој што имал „цел да навреди“.
Меркел и нејзиниот турски колега премиерот Ахмет Давутоглу во саботата навечер разговарале преку телефон за ова прашање за кое германската кацеларка недвосмислено му дала поддршка на шефот на турската држава.
Според портпарлот на Владата во Берлин Штефан Зајберт во текот на разговорот двете страни се согласиле дека се работи за несомнено навредлив текст.
Државната телевизија ЦДФ уште во петокот го избриша видеото од својој веб сајт и од Јутјуб каналот затоа што како што објасни програмскиот директор на телевизијата Норберт Химлер во иронијата и сатирата има граници, кои што во овој случај биле пречекорени.
Во текот на минатата недела претставници на германското Министерство за надворешни работи го одбија дипломатскиот протест на Анкара во врска со музички спот објавен на друг јавен сервис АРД во кој се споменуваат врски на Ердоган со ИСИС, затворање на медиуми, начинот на кој Турција се справува во Курдите и други теми поврзани со турскиот претседател. Во тој случај објаснувањето на официјален Берлин беше дека слободата на печатот и говор е загарантирано право во Германија.
Реџеп Таип Ердоган е главниот партнер во спроведување на европскиот план за запирање на бегалскиот бран од Сирија и Ирак. За возврат за своите активности при спречување на бегалците да дојдат во Европа, Турција треба да добие шест милијарди евра, безвизен режим за своите граѓани при влез во ЕУ и забрзување на евроинтеграциите.
Ново на Сител
-
Несими останува тетовски муфтија
-
Врховната Рада на Украина усвои закон за воена служба по договор за странци
-
ЛШ: Интер без Димарко и Арнаутовиќ против Манчестер Сити
-
Хезболах го обвинува Израел за експлозиите во Либан, расте бројот на загинати
-
Функционерските таблички во различна боја
-
Осум загинати, 2.750 повредени по експлозиите на пејџери низ Либан
-
Османи: Барањата на Вучиќ не треба да се сфатат сериозно, тој не сака Србите да се вратат во косовските институции
-
Петковиќ: Бислими одби трилатерална средба во Брисел