Запрена постапката за набавката на мазут

Обвинителството за гонење организиран криминал и корупција ја запре истрагата за набавките на мазут за потребите на ТЕЦ Неготино, откако по едногодишна постапка не биле потврдени наводите од кривичната пријава.
Постапката се водеше против 13 лица и една фирма, меѓу кои сопствениците на РКМ, Ратко Капушевски и Ерџан Сулкоски, сопственикот на „Пуцко Петрол“ Асмир Јахоски, како и поранешни функционери во ЕСМ.
Според Обвинителството, од прибраните докази не произлегло основано сомнение дека осомничените сториле кривични дела, ниту пак било утврдено друго дело што се гони по службена должност. Истрагата се однесуваше на сомневања за злоупотреби при јавни повици, незаконско склучување договори и анекси, како и перење пари при набавките на мазут во услови на енергетска криза.
Од Обвинителството наведуваат дека постапките биле спроведени согласно законските исклучоци во услови на криза, дека мазутот бил навремено испорачуван и дека не била утврдена штета за ЕСМ или за државниот буџет.
Ново на Сител
-

Девојка со скалпел се обидела да ограби 18-годишник во Скопје
-

Гостиварец се обидел да нападне човек со моторна пила, па бил нападнат со дрвен предмет
-

Тригодишно дете од Гевгелија починало на пат кон болница
-

Тошковски: Придобивките од „One Stop“ веќе се видливи, на Табановце се чека околу 30 минути
-

Поранешниот потпретседател за респираторни истражувања во Фајзер: Ковид вакцините се токсични
-

Мицкоски: Коридорот 8 ќе биде завршен до 2029 година, автопатот Кичево–Охрид до втора половина на 2027
-

УХМР: Дожд во вечерните часови и во текот на утрешниот ден, следува заладување
-

Специјалците спасија тешко повреден алпинист кај Демир Капија
