Зголемен транспортот на стока со камиони во четвртиот квартал лани

Количеството на превезената стока во товарниот патен превоз во четвртото тримесечје од 2025 година е зголемено за 66.7 проценти во однос на истото тримесечје од претходната година, објави денеска Државниот завод за статистика. 

Во четвртото тримесечје од 2025 година, во патниот патнички превоз бројот на превезените патници изнесува 925.000, во градско-приградскиот 9.130.000, во железничкиот 34.000, а во воздухопловниот превоз 889.153.

Според податоците на ДЗС, во четвртото тримесечје од 2025 година, во споредба со четвртото тримесечје од 2024 година, количеството на превезената стока во товарниот патен превоз e зголемено за 66.7 проценти, во железничкиот е намалено за 13.4 проценти, а во воздухопловниот е зголемено за 23.7 проценти.

МИА