Триумф на македонските ракометари во дуелот со Бахреин

Победа на стартот на „Јелоу куп“ за македонските ракометари, кои на отворањето го совладаа Бахреин со 32:28 (15:13). Утре во дуелот од второто коло од турнирот македонскиот тим ќе игра против Украина (почеток 17:45).

Избраниците на селекторот Кирил Лазаров во првиот дел имаа постојано водство, а на полувреме беше 15:13. На почетокот на вториот дел Бахреин го имаше и единственото водство од 20:19, но тоа како да беше сигнал за македонските ракометари, кои заиграа подобро и стигнаа до предност од пет разлика 29:24.

Лазаров на овој натпревар им даде шанса на сите ракометари.

На првиот дуел од турнирот домаќинот Швајцарија ја совлада Украина со 38:27

МИА