Локални врнежи од дожд со услови за невреме

Времето денеска во земјава ќе биде претежно облачно со повремени локални врнежи од дожд. Наместа врнежите ќе бидат пообилни (над 30 литри на квадратен метар за 24 часа), локално со услови за невреме со засилен ветер (над 60 километри на час) и појава на ретки грмежи.

Ќе дува умерен до засилен ветер од јужен правец. Минималните температури ќе бидат во интервал од 6 до 11, а максималните ќе достигнат од 13 до 18 степени.

Во Скопје ќе преовладува облачно време со повремени врнежи од дожд, во делови од котлината повремено пообилни. Ќе дува умерен, во делови од котлината повремено засилен јужен ветер. Минималната температура ќе се спуштат до 8, а максималната ќе достигне 14 степени.

-Под влијание на серија влажни воздушни бранови, до крајот на седмицата следува период на променливо облачно и релативно топло време со повремени локални врнежи од дожд. Наместа врнежите ќе бидат пообилни, локално со услови за невреме со засилен ветер (над 60 километри на час) и ретки грмежи. Во текот на 24 часа се очекува да наврне поголема количина дожд (над 30 литри на квадратен метар). Ќе дува умерен до засилен ветер од јужен правец, соопшти УХМР. 

МИА