Водата во Скопје е квалитетна и безбедна за пиење

Водата во Скопје е квалитетна и безбедна за пиење, покажуваат резултатите од анализите што ги изврши ЈП „Водовод и канализација“ – Скопје.

- Секторот за санитарна контрола во периодот од 9 јуни 2025 до 13 јуни 2025 година зема 213 примероци за физичко-хемиска и 213 примероци за микробиолошка анализа на вода за пиење од 53 мерни места во Град Скопје. Согласно добиените резултати од испитувањата, сите примероци одговаарат на Правилникот за барања за безбедност и квалитет на водата за пиење, се вели во соопштението од „Водовод и канализација“ - Скопје.