Анчелоти: Во мојата кариера сум тренирал 34 Бразилци, имав проблеми само со еден

Карло Анчелоти стана нов селектор на Бразил, а поранешниот тренер на Реал Мадрид веќе се подготвува за својот нов предизвик. Тој ќе го има своето деби како селектор на Бразил во јуни, кога ќе започнат квалификациите за Светското првенство.

Во својата тренерска кариера, Анчелоти тренирал дури 34 Бразилци, од кои некои биле негови играчи во Реал Мадрид, а други за време на неговите претходни престои. Во интервју за „Глобо Еспорте“, Анчелоти ги сподели своите искуства со бразилските фудбалери и одговори на прашања за неговиот однос со нив.

Кога го прашаа кој од Бразилците го смета за најдобар, Анчелоти не се двоумеше и го издвои Роналдо Назарио како најдобар.

- Технички, тој беше спектакуларен и еден од најсмешните луѓе на светот, се присети Анчелоти.

Тој зборуваше и за професионализмот на бразилските фудбалери.

- Најпрофесионален би бил Кафу. А Милитао и Вини ме смеат најмногу. Вини, на пример, е многу скромен кон мене. Многу, многу скромен човек. Затоа зборувам за нив само во позитивно светло, бидејќи имав исклучително добар однос со сите нив, рече Италијанецот.

Анчелоти, исто така, истакна дека бразилските фудбалери имаат супериорно техничко ниво во споредба со другите и дека тие лично се однесуваат многу смирено и понизно.

Кога станува збор за проблемите со бразилските играчи, Анчелоти рече: „Тренирав 34 Бразилци и, ако размислам за тоа, не мислам дека имав проблеми со ниту еден од нив. Можеби со еден, но нема да кажам кој“.

Бразилската репрезентација наскоро ќе ги продолжи квалификациите за Светското првенство, а во јуни ги очекуваат натпревари против Еквадор и Парагвај.