Јотовски „поразот“ го претвори во победа

Македонскиот тенисер Томислав Јотовски со пресврт стигна до победата во првото коло на фјучрс турнирот во Хамамет, Тунис. Тој го совлада 18-годишниот Русин Роман Сафуилин (7.носител) со 2:1 во сетови (1:6; 6:3 и 7:6 (7:1)). 

 

Јотовски по водтсвото на противникот во првиот сет од 1:0, го доби вториот сет со 6:3 и успеа да изедначи. Во решавачкиот сет Сафиулин водеше со 5:1 во гемови и 30:0, но нашиот тенисер успеа да направи пресврт. Најпрвин доби пет гемови во низа и поведе со 6:5 и не успеа да искористи меч топки, а потоа во тај брекот беше доминантен и со 7:1 на поени го реши мечот во своја корист. Дуелот траеше 2 часа и 35 минути, а Русинот Сафиулин на овој турнир дојде како победник на фјучрс во Анталија. Воедно Сафулин е лански победник на јуниорскиот Австралија опен.

 

Ривал на Јотовски во следното коло ќе му биде Шпанецот Алберто Ромеро де Авила Сенсие, кој денеска го победи македонскиот тенисер Бесир Дургути со 6:1 и 6:1 во сетови. Сенсие (18 години) на турнирот настапува со специјална покана откако на претходниот фјучрс во Хамамет беше финалист.

 

Победа на фјучрсот кај жените постигна и Лина Ѓорческа која ја победи деспина Папамихаил од Грција со 6:3 и 6:1 во сетови. Во второто коло таа ќе игра против Полина Монова од Русија, против која оствари победа претходната недела.