Д-р Јовчески за Сител: Состојбата на четиригодишното дете после сообраќајката е стабилна

По сообраќајната несреќа во која попладнето автомобил излетал од патот кај село Рашче и паднал во Вардар, случајни минувачи донеле четиригодишно дете во ГОБ „Св. Наум Охридски“ кое потоа е пренесено во Клиничкиот центар во Скопје.

Директорот на Клиниката за детска хирургија за Сител изјави дека детето нема животозагрижувачки повреди.

- Здравствената состојба на пациентот згрижен на Клиниката за детска хирургија е стабилна, направени се иницијални проценки кои што се уредни, меѓутоа поради начинот на кој настанале повредите, детето е задржано за опсервации, изјави д-р Лазо Јовчески