Исламската држава во Либија е посилна од било кога

Исламска држава е посилна од кога и да е, вели во интервјуто објавено на интернет, претставник на групата, кој се претставува како нејзин нов лидер, пренесува БТА. 

Абдул Кадер ал Наджди, претставен како „Емирот, назначен за администрирањето на либиските провинции“, вели дека се моли Либија да стане „авангарда на калифатот“ и ги предупредува соседните земји дека нема да успеат да се заштитат.

Според него, Исламска држава во Либија е се уште млада, но напредува во наметнувањето на верските закони на териториите кои се под нејзина контрола.

- Либиските провинции станаа дестинација за муџахедините и прибежиште за угнетените, вели тој. 

- Бројот на имигранти од сите региони се множи и покрај постојаните обиди на Западот за спречување на имиграцијата, нагласува емирот, според кого либиските провинции се во постојана комуникација со централните власти во Ирак и Сирија.