Црна Гора: Со новиот предлог закон за локална самоуправа Улцињ без градски статус
Сите општини на крајбрежјето во Црна Гора ќе добијат статус на град, со исклучок на Улцињ, а тоа го предвидува предлогот на новиот Закон за локална самоуправа, јавија црногорските медиуми.
Тоа значи дека Бар, Херцег Нови, Котор, Будва и Тиват ќе добијат статус на град на југ. Од друга страна, на север, само Пљевља и Бијело Поље можеа да добијат градски статус.
Се очекува, покрај Подгорица и Цетиње статус на град во централниот регион да добие и Никшиќ.
Како што рече државниот секретар во Министерството за јавна администрација Драгиша Јањушевиќ, со предлог-законот за локална самоуправа се менува повеќе од 50 отсто од опфатот на постоечкиот закон, јави РТЦГ.
Според него, законот предвидува децентрализација и поделба на административните единици на општини и градови кои ќе преземат поголеми надлежности.
„Во новиот нацрт на Законот за локална самоуправа јасно се прецизирани критериумите кои мора да се исполнат за да се добие статус на општина, а основното барање е местото да има повеќе од 8.000 жители“, појасни Јањушевиќ.
Ново на Сител
-
Аврамовска Мадиќ: Излезноста на внатрепартиските избори за претседател на СДСМ 54 отсто
-
Деспотовски најави приговори за изборите за претседател на СДСМ
-
За ниедни пари не би пеела за партија | Лара Иванова | ПРОфесија | Sitel Podcast 049
-
Французите масовно гласаат во првиот круг од парламентарните избори
-
Гувернерот на Истанбул ја забрани Парадата на гордоста, го затвори центарот на градот
-
За влез во земјава на „Табановце“ се чека два часа, на останатите премини околу еден час
-
Два хеликоптера на МВР вклучени во гасењето на пожарот кај Василево
-
Најмалку 18 лица загинаа, а 30 се ранети во три напади на жени бомбаши самоубијци во Нигерија